Serbske ludowe zastupnistwo
Sorbische/wendische Volksvertretung

Přeprošenje na zjawne posedźenje Serbskeho sejma

Přeprošujemy Was wutrobnje na přichodne wuradźowanje Serbskeho sejma. Wone je zjawne a wotměje so dnja 09.03.2019 w 13:00 hodźinach w Hodźiju w kantoraće (Stara šula, pódla cyrkwje), Na nawsy/Am Dorfplatz 2, 02625 Hodźiji/Göda. Hosćo su wutrobnje witane.

Posedźenje zahaji so zaso z poskitkom rozmołwow za hosći. Wosebje přeprošeni su předsyda Domowiny - Zwjazka Łužiskich Serbow z.t., k. Dawid Statnik, Kukowske prašaki přez dra. Fabiana Kaulfürsta kaž tež wjesnjanosta, k. Gerald Meyer.

Dale budu so mj. dr. wobjednawać stejišća ke kóncej wudobywanja brunicy, přihotowanje kubłanskeho wjerška kaž tež dźěłowy staw wuběrka Wustawa a prawo resp. w nastupnosći nutřkowneho połoženja serbskeho luda, přihotowanje statnych zrěčenjow a připóznaće jako indigeny lud.

Hižo w 10:00 hodźinach wotměje so dźěłarnja wo zaměrnych krokach k wjace bazisowej demokratiji, wo tak mjenowanej třećej mocy, jako dźěłarnja za rozrisanje problemow a wuwiće konceptow.

Jan Kósyk, prezidium Serbskeho sejma

Wróćo