Serbske ludowe zastupnistwo
Sorbische/wendische Volksvertretung

Na wuslědkach bohate posedźenje Serbskeho sejma

Dnja 12.01.18 je so Serbski sejm prěni raz w Delnjej Łužicy zetkał, w byrgarskim domje we Wětošowje.

Spočatnje je měsćanosta Bengt Kanzler Serbski sejm do swojeho města witał, kotrež jasnje wuznawa, zo přisłuša serbskemu sydlenskemu rumej a so wjelestronsce angažuje. Wón je wysoko hódnoćił bazodemokratisku formu sejma, je wupřał móc a radźenje, je zwólniwy přinošować a je akterow do jednoty namołwił při wothłosowanju a za zhromadnu harmonizaciju, zo by serbski lud měł sylny hłós.

W dopołdnišim workshopu su so předdiskutowali wšelake aspekty jednanskego porjada, kotryž su popołdnju finalizowali a wobzamknyli, a z tym je so nachwilny jednanski porjad narunał. Wón wobsahuje wjele inowatiwnych, demokratiju sylnjacych elementow. Do teho słuša wuznaće k na konsens wusměrjenemu zadźerženju (z eksplicitnym spušćenjom frakcijow a za wěcownu město na wosobiny wusměrjonej komunikaciju) kaž tež k serbskimaj rěčomaj bjez wuzamknjenja zapósłancow, kotrež rěč njemóža. Zapósłancy maja w zakładnych prašenjach prawo na konstruktiwne weto. We wotběhach wutworjenja měnjenjow a rozsudow zawěsća so połna transparenca, a wšitcy zajimcy su kaž zapósłancy namołwjeni, so direktnje wobdźělić na dźěławosći Serbskeho sejma a jeho wuběrkow.

Tajkele sylne zawjazanje su žadali tež přitomni hosćo, kotřiž nochcedźa jenož turnusowi wolarjo być, ale chcedźa wyše toho zapodać swójske mysle a perspektiwy.

Wotpowědowacy jednanskemu porjadej je so zasadźił prezidiji, kotryž zawěsći dźěłowu zamóžnosć sejma, a Sandra Wylemowa, Jan Kósyk a Aleksander Pólk su so wolili jako čłonojo.

Wyše toho je so na bazy diskusijow wo zaměrach a dźěłowych ćežišćach sejma wutworiło pjeć wuběrkow:

  1. Institucionalizowane wobkrućenje wšoserbskeho zhromadźenstwa a jeho připóznaće jako zjawna korporacija, wuwojowanje kolektiwnych a sampostajowanskich prawow kaž jich financowanje je dźěłowy nadawk wuběrka wustawa a prawo.
  2. Zachowanje a dalewuwiće serbskeje rěče a kultury, wuspěšne rěčne kubłanje wot kolebki hač na mary kaž tež rewitalizacija rěčnych rumow su zaměry wuběrka kubłanska a kulturna awtonomija, kotryž so prócuje wo zhromadne dźěło wšitkich na tymle polu skutkowacych akterow a wo zhromadne wudźěłanje konceptow a jich zwoprawdźenje.
  3. Zadźěwanje straty dalšich žiwjenskich rumow kaž tež aktiwne konstruktiwne sobudźěło na wotpowědnych městnach, zo by Łužica so wjedła do noweho rozkćěwa, to je předmjet wuběrka za regionalne sobupostajenje a hospodarstwo.
  4. Wo zawěsćenje šěrokeje informacije cyłeho ludu, wo transparencu a intensiwne zawjazanje byrgarjow kaž tež wo mjezynarodne kontakty a nawabjenje darow postara so wuběrk za zjawnostne dźěło z eksternej komunikaciju, na přikład přez nowinarstwo a nowe medije.
  5. Wo elementarne dźěłowe zakłady postara se IT-wuběrk.

Wuběrki su nětko z dźěłom započeli, na sobudźěle zajimowani byrgarki a byrgarjo přizjewja se prošu přez info@serbski-sejm.de.

W statemenće namołwja Serbski sejm składnostnje aktualneho nowowobsadźenja załožboweje rady Załožby za serbski lud, zo by so zestawa załožboweje rady reformowała wotpowědnje mjezynarodnje připóznatym zasadam za škit mjeńšinow. Do toho so liči rozšěrjenje załožboweje rady wo znamjeńša štyrjoch serbskich čłonow, zo by so zawěsćiła serbska majorita a zo by wyše toho so mjez hornjo- a delnjoserbskimi čłonami wutworiła runoličbnosć.

Wyše toho je so na kromje posedźenja wozjewiło, zo je so financowanje wólbow do Serbskeho sejma wuspěšnje zakónčiło. Z darow we wysokosći wyše 23.000 € je zwostał samo mały nadbytk za trěbne wěcowne wudawki běžneje dźěławosće sejma. „Z tym je widźomnje, zo zwólniwosć z luda Serbow k demokratiskim změnam jasnje přesahuje prózne wuznaće, a nimo čestnohamtskich prócowanjow wobsteji w ludźe tež nahladna zwólniwosć za financielnu podpěru projekta!“, tak Měrćin Schneider-Krawc.

Termin a městnosć přichodneho posedźenja je dnja 09.02.2019 we Wojerecach.

Wróćo