Serbski sejm je přewjedło swoje 21. posedźenje w přitomnosći wjele hosći a podpěraćelow

Na přeprošenje Serbskeho sejma rozprawješe najprjedy Antonia Měrćinkowa (Mertsching), MdL (Sakska, Lěwica; Regionalne wuwiwanje, energija, wobswět, rekultiwěrowanje) wo zjawno-prawniskim zrěčenjach a strukturach za rozdźělenje garantowanych pjenjez za wotstupjenje z brunicoweje industrije kaž tež wo jich běžnych naprašowanjach k mnohim njejasnym detailam. Jako serbskopolitiska rěčnica je so wona zwólniwa wuprajiła, parlamentarisce objektiwnu analyzu k stawej serbskeho šulstwa w Sakskej a Bramborskej podpěrować.

David Chmelik, předsyda załožby Slavonic Europe (Brüssel), je předstajił projekt kulturneho zwjazanja do syće – ze zapřimnjenjom serbskeho ludu – 14 słowjanskich ludow pod demokratisko-emancipatoriskich předznamjenjemi w Europskej uniji. Jako dołholětny Insider je wón ekspert za zdobywanje srědkow z Europskeje unije.

Karsten Herden, Zeleny (Grüne) we wokrjesu Zhorjelc, je so předstajił před Serbskim sejmom. Wón pyta za zhromadnym dźěłom k zadźěwanju zničenja Miłoraza a susodneje kulturneje krajiny.

Na z koaliciskim sakskim zrěčenjom zawěsćene připóznaće serbskeje rěči jako šulskopolitiska połnohódna druha cuza rěč so čaka. Prawniski wuběrk Sejma so pisomnje na zamołwite ministerstwa wobroći.

Prócy Serbskeho sejma za zdźeržanje Miłoraza a serbskich ewangelskich cyrkwinych strukturow dóstanu nětko podpěru wot Domowiny. To je składnosć za prawniski wuběrk, Domowinu na dialog za zhromadne wustupowanje přeprosyć při temach, hdźež stej sej Serbski Sejm a Domowina přezjednaj. Jako wot politiskeje strony namjetowany, by dyrbjał tajki dialog wot Serbskeje rady moderěrowany być, měł so zjawnje wotměć a na spočatku by dyrbjał jenož k zwěsćenju pozicije słužić.

Serbski sejm jo zwěsćił, zo njeje jako wuzwolene zastupnistwo dostał aktualne statne wšelakim serbskim akteram pósłane přeprošenje k wuprajenju wo aktualnym stawje serbskeho ludu jako zakład za wotpowědnu oficielnu rozprawu sakskeho knježerstwa. Hač je to jenož zamylenje knježerstwoweho hamta abo hač je to kompromitowanje z wotpohladom so mócnje diskutuje.

Wuběrk wustawa prawa diskutuje wo tym, zo njedawa dale wotmołwu na próstwu Serbskeho sejma k institucionelnemu financowanju třoch planowanych městnow wot Załožby za serbski lud.

Wotnětka móžeće Serbskemu sejmej tež na instagramje sćěhować.

Podpěrajće dźěło Serbskeho sejma tež z Wašim darom.