Cas nominěrowanja za Serbski sejm pódlejšony

Serbski sejm jo cas za nominěrowanje kandidatkow a kandidatow za wólby 2. Serbskego sejma wó 6 tyźenjow až do 22.11.2024 pódlejšył. „Někotare kandidaty a towaristwa su zdźělili, až njamógu trjebny cas za płaśeński termin doźaržaś, pó źělach jo se wuznam terminow teke derje njerozměł. Wušej togo wótměwa se akle něnto, pó wólbach krajneju sejmowu w Sakskej a Bramborskej, rozmnožone rozestajenje z wólbami sejma ako teke z wólbami serbskeje rady w Bramborskej. How su dalšne informacije trjebne“, wujasnjujo powědaŕ wólbnego wuběrka, Tomaš Čornak.

Teke wšykne dalšne terminy wólbnego procesa pśesunu se wótpowědnje, mjazy drugim kóńc registrěrowanja wólaŕkow a wólarjow (něnto 27.02.2025) a zjawne wulicenje głosow (08.03.2025).

Chtož co za 2. Serbski sejm kandiděrowaś, dej se wót jadnogo serbskego zjadnośeństwa abo jadneje kupki nominěrowaś daś a to wólbnej komisiji zawcasa zdźěliś. Wólaŕki a wólarje mógu se online registrěrowaś daś: https://serbski-sejm-2024.de. Wšykne nadrobnosći rědujo wólbny pórěd, kótaryž dajo se tejerownosći tam wótwołaś.