Informacije wó kandidatkach a kandidatach 2. Serbskego sejma su online

Wótněnta mógu se na registrěrowańskej stronje www.serbski-sejm-2024.de wósobowy listy a fota ku kandidatkam a kandidatam za wólby do 2. Serbskego sejma woglědaś. To ma wólaŕki a wólarje pśi rozsuźenju pódpěraś.

Paralelnje k wólbam zwězkowego sejma wótměju se aktualnje teke wólby do serbskego ludowego zastupnistwa Serbski sejm. Toś te cyste listowe wólby su 2024 zachopili. Hyšći až do 27.02.2025 mógu se wšykne, kenž se na pśikład na zakłaźe rěcy, kultury abo póchada serbskemu ludoju pśisłušne cuju, ceło jadnorje pód www.serbski-sejm-2024.de k wólbam registrěrowaś a dostaś bźez komuźenja pódłožki listowych wólbow.