Serbska debata „Serbska kubłańska awtonomija abo dalej ako doněnta?“

Dnja 13.03.2024 wót zeger sedymich wobźělijo se dr. Měrćin Krawc ako cłonk Serbskego sejma w chrosćańskej Jednośe ako gósć pódiuma na 2. „Serbskej debaśe“. Zarědowarje su Serbske Nowiny, Krajna centrala za politiske kubłanje a Załožba za serbski lud, kótarejež internetowa strona stoj teke za livestream k dispoziciji.

„Wótwórjona wuměna na podiumje a z awdiumom wó móžnosćach samopóstajenja za serbski lud jo Serbskemu sejmoju zdawna wažna pótrjebnosć. Zastupniki Serbskego sejma su zarědowański rěd sobu iniciěrowali, togodla se wjelgin wjaselimy, až se take wažne diskusije pód wobźělenim šyrokeje wšakorakosći akterow něnto zmóžniju, a togodla kśě za ´Serbsku debatu´ sobu wabiś“, tak Měto Krawc, cłonk kubłańskego wuběrka Serbskego sejma.

Slědujucej zarědowani ´Serbskeje debaty´, tejerownosći z podiumowymi gósćimi Serbskego sejma, se wótmějotej dnja 20.03.2024 w Serbskem domje w Budyšynje k temje „Chto comy byś? Indigeny, awtochtony abo něco druge?“ a dnja 10.04.2024 k temje „Chto zastupujo serbski lud? Pśichod politiskeje participacije“ we Wórjejskej Łužyskej hali.