Serbske ludowe zastupnistwo
Sorbische/wendische Volksvertretung

Serbski Sejm: Peticiski huběrk a plan 2021

Serbski sejm jo pśewjadł 14.11.2020 swójo 18. pósejźenje a to ako wideo-konferencu. Na měsće w Krajnej centrali za politiske kubłanje w Drježdźanach jo organizowało wjednistwo pósejźenja techniku a pśestajenje, tamne wótpósłane su byli online pśišaltowane. Ako na slědnem pósejźenju w Huštanju/Wüstenhain zachopjone, jo se pśizamknuło plenumoju wopśimjeśowe źěło na nacerjenju statnego dogrona.

Centralny hunosk pósejźenja jo było załoženje Peticiskego huběrka. Slědujo póžedanju z huběrka Pšawo a hustawa su diskutěrowali wótpósłane wó móžnosći, temy, pšašanja pólěpšowańske naraźenja a kritiku we formje peticijow Serbskemu sejmoju pśednjasć. Zaměry w zwisku ze załoženim Peticiskego huběrka su hukšuśiś zwisk wšyknych Serbow ze Serbskim sejmom a spěchowaś w Serbskem sejmje rozestajanje z wažnymi serbskimi temami ako teke z aktualnymi hupominanjami. Mimo togo dej se zaběranje z politiskimi serbskimi temami tež zwenka gremiuma Serbskego sejma huwabiś. Póžedanje jo se jadnogłosnje pśiwzeło a huběrk jo se hutwórił. Wót něnta mógu bergarje/-ŕki peticije z mejlku (peticija@serbski-sejm.de) a skóro teke pśez web-bok Serbskego sejma zapódaś. Trjebne formality se hyšći na web-boce wózjawiju. Pó formalem pśespytowanju zapódajo Peticiski huběrk w dialogu ze zapódawarjami/-ŕkami peticiju Serbskemu sejmoju. Póstajili su se teke terminy a městna pósejźenjow za lěto 2021. Wjele wótpósłanych jo wobkšuśiło, kak wažne jo se pó cełem regionje schadowaś, aby se z luźimi na městnje a z tam palecymi problemami direktnje hopóznali. Za to zaplanuju se na dnju pósejźenja dopołdnja hobchojźenje městnosće a kontakty z bergrjami/-ŕkami.  Slědujuce terminy a městnosće pósejźenjow su planowane:

  • 23.01.2021 Wojerecy/Hoyerswerda
  • 20.02.2021 Njebjelčicy/Nebelschütz
  • 13.03.2021 Hochoza/Drachhausen
  • 17.04.2021 Běła Woda/Weißwasser
  • 08.05.2021 Stróža/Wartha
  • 12.06.2021 Chóśebuz/Cottbus
  • 18.09.2021 Budyšin/Bautzen
  • 09.10.2021 Barliń/Berlin
  • 13.11.2021 Rań/Großräschen
  • 18.12.2021 Sernjany/Zerna

Pó prědnem źělu pósejźenja jo pókšacował Serbski sejm ze źěłom na nacerjenju statnego dogrona z pomocu metodow namakanja konsensa. Dokulaž jo nacerjenje wjelgin hobšyne a projekt taki huznamny, traju hobradowanja dalej a z nimi se na pśiducych pósejźenjach pókšacujo.

Pśiduce pósejźenje Serbskego sejma wótmějo se 12.12.2020 nejskerjej w Rogowje/Horno (Forst). Kužda/-y jo znowa lubje witana/-y. Wótwisnje wót infekciskich tšojenjow a wótpowědnych napšawow wótmějo se pósejźenje pak na městnje z doźaržamin hygieniskich pšawidłow abo znowa ako kombinacija online a prezencnego formata.

Slědk