Wólbna komisija do 2. Serbskego sejma dajo kandidatki a kandidatow k wěsći.

Wólbna komisija k wólbam drugego Serbskego sejma jo rozsuźiła na swójom pósejźenju dnja 10.12.2024 w Njebjelčicach wó dojźonych nominacijach kandidatkow a kandidatow. Pśizwóliło jo se 20 wósobow z dolnoserbskim wuznaśim a 19 wósobow z górnoserbskim wuznaśim.

W pśiducych dnjach zachopijo se rozpósłanje pódłožkow listowych wólbow na registrěrowane wólaŕki a na wólarjow. Wšykne wobydlaŕki a bergarje Zwězkoweje republiki Nimskeje, kótarež se serbskemu ludoju pśisłušaju, maju dalej móžnosć, se až do 27. februara 2025 za wólby registrěrowaś. Aby se dobry wótběg wólbnego procesa zawěsćił, pšosy se wó jěsne registrěrowanje pód www.serbski-sejm-24.de.

Serbski lud wuzwólijo za Serbski sejm 12 dolnoserbskich a 12 górnoserbskich wótpósłańcow. Wólba jo wažny pśinosk k wěcej samopóstajenju, k zwězanosći a sebjewědobnju serbskego luda a se cesnoamtski z wjelikim angažementom organizěrujo.