Wuzwólenje prědnego parlamenta Serbow wuspěsnje zakóńcone
Sobotu, dnja 03.11.2018, jo se w Njebjelčicach pśewjadło pśespytowanje a wulicenje pódłožkow listoweje wólby. Wólbny wjednik dr. Hagen Domaška jo pó źěłapołnem dnju wobkšuśił slědujuce wuslědki:
- registrěrowane wólarje: 1.282
- zapósłane wólbne listy: 908
- płaśece wólbne wopisma: 836 (wótśěgnjone: póbrachujuce pódpisma, głosowańske lisćiki wopacnje zatyknjone)
- głosowańske lisćiki: 828 (wósym njepłaśecych głosowańskich lisćikow)
- cełkownje wótedanych głosow: 4.475
Pótom bu wulicony slědujucy wuzwóleński wuslědk:
DŁ: 2.173 głosow
- Hanzo Wylem-Keł (283)
- Jan Kosyk (267)
- Edith Pjenkowa (207)
- Stefanie Kositz (193)
- Sandra Wylemowa (181)
- Siegbert Budyšin (163)
- Kito Pjenk (160)
- Laura Grönertojc (153)
- Dirk Paulick (138)
- Christoph Haensel (106)
- Dirk Marx (96)
- Carola Geppert (67, pśez Los)
Slědujuce kandidaty stoje na póstupujucych městnach:
- Ilona Urbanowa (67)
- Heiko Bengelstorff (55)
- Udo Nikuš (37)
GŁ: 2.302 głosow
- Tomaš Čornak (295)
- Ignac Wjesela (272)
- Hajko Kozel (245)
- Hańžka Wjeselic (178)
- Sophia Cyžec (152)
- Aneta Zahrodnika (142)
- Dr. Měrćin Krawc (133)
- Alexander Pólk (115)
- Dr. Andreas Kluge (105)
- Handrij Wjeńk (99)
- Dr. Tomaš Wornar (99)
- Jadwiga Pjacec (94)
Slědujuce kandidaty stoje na póstupujucych městnach:
- Dr. Sćěpan Nawka (88)
- Gerat Šram (63)
- Cornelia Šnypowa (57)
- Christine Maria Ruby (56)
- Konrad Manfred Willi Skatula (50)
- Pětr Janak (43)
- Sven Scheidemantel (16)
Na městnach naslědnikow stojece kandidatki a kandidaty póstupuju pó licbje nejwěcej głosow w paźe, jolic kandidatki abo kandidaty swóje wuzwólenje njepśiwzeju. Wuzwólone kandidatki a kandidaty maju pó wólbnem pórěźe něnto jaden tyźeń cas, aby wuzwólenje pśiwzeli.
Wólba jo se wótměła pód mjazynarodnym wobglědowanim dogromadu wósym wólbnych wobglědowarjow. To su:
- zastupnika europskeje partaje Europska lichotna alianca: Marta Bainka (Górna Šlazyńska) a dr. Cristian Kollmann (Pódpołudnjowy Tirol)
- politikarje Českeje: Jaroslav Kolićek (MdEP), Jaroslav Růžička, Petr Brázda
- politikarje z Pólskeje: Bogusław Wontow (něg. wótpósłańc Sejma), Adam Maciag (něg. šołta Namysłowa, zastupny wójwoda), Anna Ziemkiewicz
Wólbne wobglědowarje wózjawje slědujucy statement:
„Wuzwólenje do Serbskego sejma su se wótměli, kaž smy mógali zwěsćiś, mimo problemow. Měnimy, až system jo był njetrjebny komplikowany a by se mógał jadnorjej pśewjasć. Tśirazowe zwěsćenje datow wólarjow jo pówušyło kwotu zmólkow, dokulaž su se mjenja zdźěla w serbskej, zdźěla w nimskej pisnej wersiji powěźili. W běgu pśewjeźoneje wuzwóleńskeje procedury jo 1.282 wólarjow wuznało swóju pśisłušnosć k ludoju Serbow, wušej 800 wósobow jo dało k wólbje płaśecy głos a jo stakim wuzwóliło swóju prědnu politisku reprezentaciju.
Za pśichod doporucyjomy zjadnorjenje identifikacije wólarjow. Dalej dejała se pólěpšyś logika formularow we tom, až pśi zapisanju pśez pomocne wósoby se to móžo z nakśickowańskeju wariantu na wólbnem lisćiku jasnje wóznamjeniś. Wuzwólenje a wulicenje wólarskich głosow jo se stało wótpowědujucy mjazynarodnym standardam w lichotnej a pótajmnej wólbje. Kuždy pśisłušajucy bergaŕ jo se mógał mimo zadorow na wólbje wobźěliś. My gratulěrujomy organizatoram k pśewjeźenju wólby a wuzwólonym kandidatam k wuzwólenju! My wěrimy, až Serbski sejm buźo dobry a dostojny reprezentant Łužyskich Serbow."
Dnja 17.11.2018 wótmějo se w Slěpem wót zeger 14:00, zachopijucy z ekomeniskeju nabóžninu, konstituěrujuce pósejźenje prědnego demokratiski, lichotnje a pótajmnje wuzwólonego parlamenta Serbow. Facit wólbnego wjednika: „Ja se wjaselim, pśeto smy z pśewjeźenim wólby pokazali, až jo demokratiska wólba za serbski lud móžna.“