43. Posedźenje Serbskeho sejma

Dnju 29. junija zetka so Serbski sejm k posedźenju w „parli Łužicy“ Grodk/Spremberg we wjacegeneraciskim centrumje „Hórske hrodźik“.

Najprjedy wozjewi so oficialnje kubłanski koncept Serbskeho sejma, kotryž žada sej samozarjadowane serbske kubłanstwo a kotryž je nětko za zjawnosć k dispoziciji .

We wobłuku poskitka rozmołwow za hosći rozłožichu čłonojo Grodkowskich iniciatiwow přećiwo planowanjam koporoweho hórnistwa Natura Grodk (wšelakich poćežowanjow wobswěta dla a wosebje wohroženja stroweho lokalneho zastaranja z wodu) a k parkej wětrnikow w měšćanskim lěsu swoje mnohostronske wobmyslenja. Wuwabjace k tomu bě wobšěrne stejišćo Serbskeho sejma wot septembra 2023 ke koporowemu předewzaću .

Dale bu aktualna 15. rozprawa zwjazkoweho knježerstwa wo swojej politice čłowjeskich prawow na wědomje wzata . K tomu ma so sćinowa rozprawa wudźěłać, dokelž njejsu so naležnosće serbskeho ludu dosahajcy wobkedźbowali.

Hłowne ćežišćo posedźenja bě 2. čitanje naćiska statneho zrěčenja mjez serbskim ludom a němskim statom (Zwjazk a kraje). W přichodnym kroku ma so tutón z fachowčemi a fachowcami w europskim mjeńšinowym a narodnostnym prawje diskutować a pruwować. Na to maja so tež zastupjerjo stata přeprosyć.

Přichodne posedźenje wotměje so 24. awgusta w Dešnje/Dissen.