Serbske ludowe zastupnistwo
Sorbische/wendische Volksvertretung

Kulojte blido k (hornjo-)serbskej slědźerskej a kubłanskej sceny dnja 23. awgusta

Kubłanski wuběrk serbskeje parlamentariskeje iniciatiwy Serbski sejm informuje, zo budźe na wažny diskusijny wječor 23. awgusta 2017, 18.00 hodź., do Serbskeho domu přeprosyć. „Po našim kubłanskim wjeršku lětsa je so wjele zajimaweho nastorčiło a nětko je trjeba, diskusiju do skutkownych kolijow zwjesć“, praji Dr. Andreas Kluge, kubłansko-politiski rěčnik iniciatiwy.

Hłowne prašenja wječora budu na př. etablěrowanje hornjoserbskeje rěčneje šule abo přestrukturěrowanje Serbskeho instituta. Wědźo, zo je Hornja Łužica běły blak hladajo na wysokošulske institucije w Sakskej, měli so tute diskusije w zwisku realizowanja ideje serbskeje iniwerzity wjesć. Do toho słušeja tajke wotewrjene prašenja kaž: Dyrbjał kraj Sakska abo tola lěpje serbski lud nošer tutych institucijow być? Dyrbjała so serbska rěčna šula jenož na kubłanje trěbnych wučerjow a kubłarjow, zjawnych přistajenych a dalšich zajimcow koncentrować abo tež na ludźi, kotrež chcedźa sebi serbsku kulturu  přiswojić? Snano móhli so tež poskitki w serbskej informatice abo k spěchowanju serbskich talentow rozšěrić, kotrež pytaja we Łužicy swój chlěb po tym, zo je so wustup z brunicowej industrije šlachćił.

Smy měnjenja, zo měli so wšě tute problemy w šěršim kruhu wjesć a to jako Kulojte blido z wotpowědnymi politikarjemi, aktiwistami a wšěmi dalšimi zajimcami. Iniciatiwa prosy wo dalše namjety (info@serbski-sejm.de), kotrež móhli do přihotow zarjadowanja zaplesć!

Wróćo