Posmjertne wopomnjeće: Marek Chełchowski (1957 – 2025)

Z wulkej zrudobu rozžohnujemy so wot Mareka Chełchowskeho, kiž je 9. awgusta 2025 we Wrócławju w starobje 68 lět zemrěł. Jeho žiwjenje bě charakterizowane wot njesprócniweho zasadźenja za prawa Serbow w Němskej a Pólskej. Rodźeny 1957, bě naposledk we wsy Felixsee w Delnjej Łužicy žiwy. Marek Chełchowski bě samostatny předewzaćel a skutkowaše z wulkej rozpalitosću za kulturne a politiske spěchowanje serbskeje zhromadnosće.

20 lět so zemrěty aktiwnje w serbskim hibanju angažowaše. Jeho skutkowanje započa so w Serbskej ludowej stronje, hdźež iniciěrowaše mjez druhim peticije Europskemu parlamentej. Jako čłon Łužiskeje aliancy a prezident unije Łužičanow w Pólskej (Łużycki Alians) zasadźowaše so za připóznaće Serbow jako mjeńšina tež w Pólskej. Prócowaše so předewšěm wo financielne zakłady so wozrodźace a so wuwiwace serbske organizacije a z tym zdobom wo zachowanje kulturneje identity Serbow. Z wulkej sympatiju běše ze Serbskim Sejmom zwjazany.

Jeho mjezynarodny angažement za serbske naležnosće wostanje njezapomnity.

W mjenje Serbskeho sejma
Tomaš Čornak, rěčnik