Rjenje je, hdy sy witany!

Dźensa bě tak daloko: Prěnje zeznaće třoch aktiwnych Serbskeho sejma a noweho Europskeho zapósłanca SPD Matthiasa Ecke w jeho Drježdźanskim wólbnym běrowje. Temy běchu mj.dr. natwar demokratiskeho zastupnistwa ludźi, kotřiž so jako serbskemu ludej přisłušni wuznawaja - serbskeho abo hinašeho pochada -, mysle k připóznaću indigenity serbskeho ludu, móžnosće paritetiskeho sobupostajowanja we Łužicy bydlacych ludźi, hdyž dźe wo transformaciju tutoho regiona. W sejmje eksistuje wulka zwólniwosć, z mjezy překročacym kulturnym a demokratiskim dźěłom za lěpšu zhromadnosć w Europskej uniji sobu skutkować. K tomu přeja sej jeho čłonojo we wobłuku politiki wjace akceptancy tych přećow za sobupostajowanjom resp. samozarjadnistwom. Zo bychu so cyłoeuropske projekty kaž „Slavonic Europe“ radźili, trjebaja podpěru w europskej politice.

Wjele prašenjow mějachu Měrćin Krawc, Hagen Domaška a Christine Ruby na Matthiasa Ecke. Podźakowachu so jemu wutrobnje jako wotewrjenemu, zrozumjenemu připosłucharjej. Na hesło: „Hranicy k skowanskim šowam“ činić, móžachu so wšitcy dojednać.