Serbski sejm a SPD w rozmołwje wo serbskej kulturnej a kubłanskej awtonomiji

Dnja 12. aprila su se zetkali zastupjerjo Serbskeho sejma ze stronskim a frakciskim wjednistwom sakskeje SPD. W srjedźišću wuměny steješe w aktualnej rozmołwje zakotwjeny přewod dialoga wo wjace prawow za soburěčenje, sobuwuhotowanje a samopostajowanje serbskeho ludu. Zapósłancy sejma su ze swojeho wida předstajili pozadk a potrjeby samopostajowaceho zjednoćenstwa wosebje jako nosar kubłanskeje awtonomije.

Politikarjam SPD je wažne, zo serbski lud w swojej wjelestronskosći namaka připosłuchanje na krajnopolitiskej runinje. Tohodla so intensiwnje haji wuměna ze zastupjerjemi wšelakich organizacijow. Dirk Panter, Kathrin Michel a Sabine Friedel su w rozmołwje wuzběhnyli, zo je pódla spěchowanja rěče a kultury tež widźomnosć serbskich naležnosćow w zjawnych diskursach wažny element za připóznaće serbskeje identity. Při jednej z přichodnych rozmołwow maja so w Serbskim sejmje nadźěłane namjety za statne zrěčenje bliže předstajić.

Foto v.l.n.r.: Sejm-Abgeordnete Měrćin Krawc, Tomaš Wornar und Christine Ruby / Kathrin Michel (MdB und SPD-Co-Landesvorsitzende), Sabine Friedel (sorbenpolitische SPD-Fraktionssprecherin), Dirk Panther (SPD-Fraktionsvorsitzender) - Quelle: SPD-Fraktion