Serbski sejm na rozmołwje pola Wojerowskeho wyšeho měšćanosty

Dnja 1. julija su zapósłancy serbskeho parlamenta, Serbskeho sejma, Aneta Zahrodnikowa, Hagen Domaška a Měrćin Krawc wopytali Wojerowskeho wyšeho měšćanostu Torstena Rubana-Zeha a měšćansku projektowu managerku za góspodaŕske spěchowanje Dianu Karbowu.
Nimo mjezsobneho zeznawanja zaměrow a aktiwnosćow w serbskopolitiskich prašenjach su mjez druhim stali prezenca serbskeje rěče w šulach města a spěchowanje motiwacije za wuknjacych přez přiličenje za maturu (2. cuza rěč), lěpšiny a móžnosće za wutworjenje samopostajowaceje korporacije serbskeho ludu w srjedźišću rozmołwy kaž tež přichodne móžnosće zhromadneho dźěła.