Žadamy sebi, zo wostanje Budyšin pisany!

Iniciatiwa „Serbski sejm“ starosći so aktuelnych podawkow dla w Budyšinje a nochce tomu hižo mjelčeć. So přiwótřowacej namócy dyrbi so zakročić a situacija žada sebi tež wotpowědnu poziciju. Socialne a politiske konflikty móža a dyrbja so na demokratiske wašnje rozrisać! Kóždy nacionalizm a wumjezowanje wućek pytacych ludźi – hač přez Orbana, Le Pen abo Petry – móža Serbja jenož wotpokazać, dokelž su lětstotki dołho sami pod tym ćerpjeć dyrbjeli. My so distancujemy, hdyž sebi někotři němscy (snadź Drježdźanscy) demo-organizatorojo žadaja: „Budyšin wostanje němsko-serbski. Přećiwo žołmje azylatow w Budyšinje!“ a při tym Serbow znjewužiwać a instrumentalizować spytaja. Runje prócowanja wo skrućenje samopostajowanja Serbow nas zawjazuja, artikel 1 Zakładneho zakonja wobkedźbować: „Dostojnosć kóždeho čłowjeka je njezranliwa.“ Zastupjerjo iniciatiwy tohodla poskićeja – jeli trjeba –, so na demokratiskim rozrisanju konfliktow wobdźělić.